Çı Suriyə bıhroni təcili surəti həlliro, Paşiniyani tələb.

Ermənistoni i minnə vəzir, bə Suriyə iyən ıştə kişvəri miyono torixiyə rabitəon təkidış karde iyən umudış be ki vey rə Dəməşği bıhron həl bıbu.

Miladi 2011 minnə soriku, bə terroristiyə qrupon hevujə həmlə əsos, Suriyədə bıhran bino bıə. ım terroristiyə qrupon ki Ərəbiston, Amerkə, və çəy mıtəfiğon çəvonku himoyədorəti əkardin, çı sionist rejimi mənafe təmin iyən məntəğə hisob-kitobon əvəz kardey hədəf və niyyətışon be.

Suriyə ərtış de İron İslam Respublika məşverətiyə koməkon iyən Rusiyə himoyədorəti, muvəffəğ bıə ıştə kişvərədə DAEŞ terroristiyə qrupi məsələ həl ko.

Bə Rusiya Əlyəom raporti əsos, zinə Ermənistoni i minnə vəzir, Nikol Paşiniyan, İrəvanədə Suriyə tojə səfir, Nora Erisiyani vindemoni cərəyonədə, təkidış karde ki ıştə kişvəri meyl ıme ki de Dəməşği miyono həmkari iyən ıştə torixi rabitəon zumand ko.

Paşiniyan ıştə sıhbəton dəvomədə votışe: əmə Suriyə təhəvulaton dumoədəmon, və umidımone ım kişvər vey rə ıştə bıhroni dəvardono.

Ermənistoni i minnə vəzir, həmçınin bə ım nuktə təkidış karde ki Miladi 2019 minnə sorədə, bə minəku pok kardey iyən çəy təhdidonku bə Suriyə milləti aqahəti doey xoto, Erməni bəşərdustanə heyət bə Suriyə kişvər vığandə bıə be və bə Suriyə şahrvandon tib xıdməton ərosniyə barədə vey muhimmə təsir noəşone.