Bə İraği Zaxo nomo bıə şəhri həmləon İroni tərəfo məhkum bıə.
İroni xarıci vəzorətxonə rəsmən İraği ərazi təmamiyətiku himoyədorəti karde çərçivədə bə Zaxo şəhri təcavuzi məhkumış kardə.
Zinə çı Tırkiyə ərtış bə İraği şimol məntəğəon həmlə çərçivədə 9 nəfər çı Kırdıstoni əholiış kıştışe iyən 31 nəfəri zəxminış kardə.
In həmlə qıle holədəy ki Turkiyə rəsmi şəxson həminə həmlədə bə ğeyri hərbion hucumi rəddış kardə və əməliyoti bə PKK qurupi zidd zıneydə.
İroni xarıci vəzorətxonə rəsmən həminə həmlə məhkumış kardə və jığo bə ğeyri hərbion zidd həmləonış qıləy səhvə siyosəti sə kardış pidə.
Bə Suriyə iyən İrağədə bıə PKK qrupi uzvon Tırkiyə həmləon qıləy şərayetədə dəvom kardedə ki ın 2 qılə kişvəri rəsmi şəxson vey kərə həminə həmləon məhkum kardəşone və çəy dəvomi bənə beynəlxalğ ğanun iyən milləton ərazi təmamiyət və hakımiyəti poymol karde nımonə bə hisob vardəşone.
In həmləon nəticədə çandə çı İrağ və Suriyə ğeyri hərbi kırdon avarə bıən.
40 sor bəbe ki Tırkiyə iyən PKK qurupi miyono daveon dəvom kardedə.
