Rəisi təkidış karde: siyasi muşkilaton peqətey barədə, bəpe İraği siyasi əsliyə cərəyanon de yande təvafuğ bıkon.

İron İslam Respublika votışe: həmmə İraği əsliyə siyasi cərəyanon, siyasi muşkilatonku xarıc bey barədə de votımon hələkə roy vositə de yande təvafuğ bıkon.

Bə Fars aqentiyəti raporti əsos, znə İron İslam Respublika prezident, Sed İbrahim Rəisi İraği iminnə vəzir Mustəfa Əlkazımi telefoniyə rabitə  cərəyonədə bə İrağədə bıə ibemoni oqətey zərurəti təkidış karde iyən votışe: İraği əsliyə siyasi həmmə cərəyanon siyasiyə muşkilatonku xarıc bey barədə votımon hələkə royku istifodə iyən de yande təvafuğ bıkon.

İron İslam Respublika prezident ijən məntəğə siyasi vəziyəti çok kardeyro və İraği dıvləti hərəkəton barədə bə təvafuğon icra bey zərurəti iyən çəy bəpeşt koon vey rə əncom bey təkidış karde.

Rəisi həmçınin bə Ərbəini İronıjə zairon şe-omey hostonəti təkidış karde və həminə barədə İraği iminnə vəzir həm ıştə hozzoəti elanış karde.

Im telefoniyə votımoni dəvomədə, İraği iminnə vəzir Mustəfa Əlkazımi məntəğə və dınyoədə bə İron İslam Respublika roli işorə iyən təkidış karde ki məntəğə həmkoətion, rabitəon səthi bə inkişof rosniyero İrağ bəştə həmmə cəhdon idomə bədoy.