Dohaədə bıə İroni səfiri de Ğətəri xarıci vəziri muavini məşvərət.
Dohaədə bıə İron İslam Respublika səfir de Ğətəri xarıci vəziri muavin vindemon iyən məşvərətış karde.
Ğətəri kişvəri xarıci vəzarətxonə vırədə, Dohaədə bıə İron İslam Respublika rezident Həmid Rıza Dehğani de Ğətəri xarıci vəziri muavin vindemon iyən məşvərətış karde.
Bə İSNA raporti əsos, Dehğani ıştə Tvitter səhifədə nıvıştəşe: Ğətəri xarıci vəziri reqional koon muavin, Muhəmməd Əlxəlifi bə Tehron omə səfəriku 2 ruj bəpeşt və de İron İslam Respublika xarıci vəziri siyasi muavin Əli Bağıri Kəni vindemon kardey bəpeşt, tojədən Ğətərədə de İron İslam Respublika səfir Həmid Rıza Dehğani vindemon iyən məşvərətış karde.
Dohaədə bıə İroni səfir ıştə Tuvitter mesaji idomədə nıvıştəşe: 2tərəfiyə rabitəon hevujəti iyən nığıl kardey, əcumlə co qılə məsələon be ki çəvon barədə sıhbət bıə.
Im haftə şəmbə rujədə, Tehronədə İroni xarıci vəziri siyasi muavin Əli Bağıri Kəni de Ğətəri xarıci koon vəzarətxonə reqional koon muvin Muhəmməd İbne Əbduləziz Əlxəlifi iyən dəy bə ico bıə heyəti vindemon iyən 2tərəfiyə mınosibəton, beynəxalğ və reqional təhəvulaton barədə votımonışon karde.
İroni xarıci vəziri siyasi muavin həmçınin dəvardə sori mıddətədə hamsuyəti siyasəti barədə əcumlə Tehron-Doha vey çokə rabitəon barədə bə İroni muvəffəğə təcrubə iyən veyə cəhdon işorə iyən əlovəş karde: İroni hamsuyəti siyasəti 2minnə ğədəmon bə inkişof rosniye və məntəğə çand tərəfiyə həmkoətion inkişofinro, İron İslam Respublika ciddi cəhd kardeydə.
