De Bəğdadədə bıə İroni səfiri telefoniyə votımonədə, Əmirəbdullahiyan İrağədə bıə İronıjə zairon vəziyəti barədə xəbədo be

İron İslam Respublika xarıci vəzir, Əmirəbdullahiyan İrağədə bıə İronıjə zairon vəziyətiku xəbədo be.

Muğtəda Sədr bəyoniyə ğolibədə, İrağədə bıə siyasi fəaliyətonku ıştə dast kəşey elanış karde və həminə bəyoniyə bəpeşt, çəy tərəfdaron Bəğdadi havzə məntəğədə bə prezidenti saray həmləşon kardə iyən çand saət bəpeşt, de Sədri peşmonçiyəti bəyoniyə çı Bəğdadi havzə məntəğəku xaric bin.

Həminə cərəyonədə 30 nəfər kıştə bıən.

Bə İrna raporti əsos, İron İslam Respublika xarıci vəzir, Huseyn ƏmirƏbdullahiyan de İrağədə bıə İroni səfir Muhəmməd Kazım Ale Sadığ telefoniyə votımonədə, İroni zairon əmniyyət iyən səloməti oxonə vəziyətiku xəbədo be.

İroni xarıci vəzir, İrağədə bıə İron İslam Respublika kunsul iyən səforətxonə cəhdonku ğədrdonətiş karde və votışe: bəpe İrağədə bıə həmmə İronıjə zaironro səloməti iyən əmniyyəti şəroyet icod bıbu.