Ərbəine Huseyni(ə) barədə İrağ və İroni sərhəd fərmondəhon məşvərət.
İraği kişvəri vəzarətxonə elanış karde: ım kişvəri sərhəd fərmondə deştə hərbi heyəti bə ico de İroni sərhəd fərmondə Ərbəihe Huseyn(ə)-i ziyorəti koon hoston kardey barədə məşverətışon karde.
Hicri Ğəməri 1444 minnə sori səfə manqi 20, miladi 2022 minnə sori sentiyabri 17, Kərbəloədə şiəyon 3 minnə İmom Həzrət İmom Huseyn(ə) və çəy bəfodorə əshobi şəhodəti 40 minnə ruje, həminə rujədə çand milyon zair İmom Huseyn(ə)-i pokə hərəmi ziyorət kardeyro bə İraği cənubədə bıə Kərbəlo şəhri səfər bəkan.
Bə Nina xəbəiyə sayti raporti əsos, çoşəmbə rujədə İraği kişvəri vəzarətxonə qıləy bəyoniyədə elanış kardə: Mehran marzədə İraği sərhəddi ğıvvon fərmondə, Hamed Əbdullah İbrahim de İroni tərəfon və de İroni sərhəddi ğıvvon fərmondə qıləy iclosi bərpo kardeşe.
Im bəyoniyədə omə ki ım iclosi hədəf, İrağ və İroni marzi vırəonədə Ərbəine huseyni(ə) ziyorəti mərosim muvəffəğiyət surətədə əncom bey, kərvonon hərəkəton hoston kardey, İmom Huseyn(ə)-i Ərbəini ziyorətiro hozzoətion və muşkilaton həlliro sərostə həmohənqion əncom bey, elan bıə.
Dəvardə soronədə, mısılmonon və vo İlahi dinon tərəfdoronku kali, bə İmom Huseyn(ə)-i şəhodətə Ərbəini çand ruj mandə, de şemoni royku Nəcəf iyən İraği co şəhronku ıştəni bə Kərbəlo və İmom Huseyn(ə)-i pokə hərəm rosniyedən.
De diğğət bə DAEŞ terroristiyə qrupi ehtemali təhdidon dəvomi, ımsor həm bənə dəvardə soron, zairon əmniyyəti təmin kardeyro İraği məntəğəonədə muxtəlifə əmniyyəti planon icra bəbe.
