İrağədə bıə zumandə dıvləti icod beyro, Rəisi ıştə umu nışoş do.

Zinə, İron İslam Respublika prezident , İraği iminnə vəziri vindemonədə votışe: umudımon heste İraği tərəfon miyono təvafuğon ım kişvərədə zumandə dıvləti icod bey bois bıbu.

Bə İrna raporti əsos, Zinə Ayətullah Rəisi bə Niyu-york ıştə səfəri 2 minnə ruji cərəyonədə, və sakin bıə hotelədə, de İraği iminnə vəzir, Mustəfa Əlkazımi vindımonış karde.

Ayətullah Rəisi ım vindemonədə ımsornə sori Ərbıyine Huseyn(ə)-i mərosimi əzəmətin bərpo bey barədə, İraği millət iyən dıvlətiku İroni dıvlət iyən İslamiyə inğilobi Yolə Rəhbəri səmimanə ğədrdonəti bəyonış karde iyən voıtışe: umidımon heste har çəxtə rə, İrağədə siyasi prosses de təvafuğ iyən votımon roy bə zumandə dıvləti icod bey bois bıbu.

Rəisi həmçınin Bəsrə bə Şələmçə reyls xətton plani komil kardey rə əncom beyro, bə İraği iminnə vəziri sıxənon işorəş karde iyən votışe: bə ın koy vabəstə bıə muşkilaton məhv bey iyən har çəxtə ım palni bə vırə rosniye, bois bəbe 2 tərəfiyə həmkoətion və rabitəon hevujətiədə yolə muvəffəğiyəton iyən nəticəon aid bıbu və bə 2 qılə kişvəri muğəddəsə vırəon zayiron şe-omeyro, hostonəti bois bəbe.

İroni prezident ıştə sıhbəton dəvomədə, məntəğə kişvəron miyono əloğəon çok beyro əcumlə İron və Ərəbistoni miyono, İraği dıvlətiku xususi iminnə vəziri cəhdon iyən çokə siyasətonku ğədrdonətiş karde iyən votışe: İron İslam Respublika ğəbul kardedə ki de Ərəbiston rabitəon isloh bıbu, əmmo çəmə hədəf ıme ki ım ko bə təvafuğon iyən  mığuviləon əsos bıbu ki İrağədə 2 qılə kişvəron rəsmi şəxson votımonon həminə cəhəto əncom bıdə.

Im vindemonədə İraği İminnə vəzir, Mustəfa Əlkazımi həm Həzrəte Əbaəbdullahel Huseyn(ə)-i İronıjə zayiron ki de İraği milləti vositə ğəbul bıən, çı İroni millət iyən rəsmi şəxson rizoyətiku xuşhal mande iyən votışe: İraği millət fəğət çı Həzrəte Seyyeduşşohəda(ə)-i əzizə zayiron barədə, bəştə məsuliyəti əməlışon karde.

İraği iminnə vəzir ıştə kişvəri siyasi vəziyətiku oxonə raporton bəyonış karde iyən İron İslam Respublika dıvləti cəhdon iyən xəyəmandətiku de İraği həmkoətion əlovə kardey cəhətədə ğədrdonətiş karde.