Rəisi: muğavimət kardey çı Fələstini xilos bey yeqnə roye

Tehronədə bıə islami vəhdət 36 minnə iclosi ojbemon mərosimədə İroni prezident çı Fələstini xilos bey yeqnə roy muğavimət karde bəyon kardışe.

Bə İrna raporti əsos, zinə rujədə, İron İslam Respublika prezident Sed İbrahim Rəyisi ım mərosimədə Fələstin iyən Ğudsi mıvzo, İslam dınyo iminnə məsələ zıneydə iyən votışe: sionist rejimi vədə muğavimət kardey, çı Ğuds iyən Fələstini xilos bey yeqnə roye. və ımruj de veyə çiyon himoyə çərçivədə karde bəzne çəvon vədə muğavimət ko.

Rəyisi ijən bəzi kişvəronku ki de sionist rejimi vədə normal surətədə rabitə bərğəror ko, tənğidış karde iyən dıvləton rabitəon miyono və milləton rabitəon miyono tagfot iyən farğ zıneydə iyən əlovəş karde: hiç vaxt məntəğə milləton, de sioniston rabitəon normal bey ğəbul nibəkarden.

İron İslam Respublika prezident ijən təkidış karde: Amerkə iyən sionist rejim bə kişvəron irodə daveon icbor kardey dumoədən əcumlə: silohinə vojoron icod kardey, kişvəron mənafe soyb bey və Ğuds iyən Fələstini məsələ bə kəno noey.

Əv  ijən təsdiğış karde: dınyoədə Amerkə iyən Avropa vey yolə bəşər həxon darşiyə kişvəronin.

Rəyisi İroni siyasət de zılm, terrorizm və Təkfiri mobarizə bardey elan iyən əlovəş karde: amerkəvıjon həm voteydən ki de terrorizmi mobarizə dumoədən əmmo ki heste ki aqah nıbu dınyoədə de terrorizm mobarizə bardey ğəhrəmon, Hac Ğasım Suleyman, şəhid Əboməhdi Əlmohəndes və məntəğədə cihodəkə hərbiçionin ki məntəğə DAEŞ-iku pok kardışone.

İron İslam Respublika dınyoədə islami umməti zumandətion bə yod vardə iyən təkidış karde: həmonə boydəğ ki İmom Xomeyni(r) rostış kardə həmmə dınyoədə mısılmonon miyono ittifoği boydəğ be ki həmmə ləhcəon, zıvonon, məntəğəon və diyəon şomil bəbe.

Rəyisi ijən ısətnə zəmonədə islam dınyoədə alimon və mədəni soub bıə kəson məsuliyət, cihodi təbyin kardey iyən bəsirət əlovə kardey zəneydə iyən votışe: ımruj aqahəti iyən təbyin kardey bə həmmə şəxson ohdəy ta de har çi vositə, islam və mısılmonon vırə və deşmoni vəziyət və çəy zəifəti təbyin kon.