İron və İraği rabitəon bə inkişof rosniye barədə Əmirəbdullahiyani təkid.

İroni xarıci vəzir de İraği iminnə vəzir Adil Əbdulməhdi vindemonədə, bə Tehron-Bəğdad rabitəon bə nkişof rosniye təkidış karde.

Bə İrna raporti əsos, zinə şəvədə İraği nakonə iminnə vəzir Adel Əbdulməhdi de İroni xarıci vəzir Huseyn Əmirəbdullahiyan vindemonış karde və muxtəlifə mıvzoon xususi İrağədə bıə oxonə təhəvulaton, həmçınin məntəğə muhimmə mıvzoon barədə de yande votımonışon kardə.

Əmirəbdullahiyan tojədən elanış karde ki İron İslam Respublika, İraği dıvlət və millətiku himoyət kardedə və siyasi, əmniyyəti və iğtisodi muxtəlifə baxşonədə 2 qılə kişvəron  rabitəon səthiku rozi heste və ıştə həmmə cəhdon əncom dodə ki de mucudə zərfiyəton xususi iğtisodi həmkoətion baxşədə, rabitəon bə inkişof bırosno.

Əv həmçınin İraği milli vəhdəti oqəteyədə, və ım kişvəri parlamentədə cəhdon bə vırə rəsey barədə, İraği rəhbəron cəhdonku xususi şəxsiyətoni bənə Adel Əbdulməhdi cəhdonku, İron İslam Respublika himoyə elanış kardə.

Əmirəbdullahiyan işorəş karde ki: İraği parlamenti cəhdon bois bıə be ki tojə prezident vıjniyə bıbu və həmçınin tojə dıvləti elan bey iyən zıneyro iminnə vəzir mıtəəhid bıbu.

Im vindemonədə həm Adel Əbdulməhdi İraği daxıli vəziyəti bəyonış karde iyən məntəğə və beynəlxalğə vey muhimmə mıvzoon barədə ıştə nəzəon elanış kardə.

Im vindemonədə həmçınin 2 tərəfo miyono, sanksiyaon peqəteyro, votımonon oxonə vəziyət, və İron İslam Respublika və Ərəbistoni vindemonon barədə sıhbət bıə.