İraği sınnion alimon yol: terroriston rısvo kardeyədə, bəpe Ayətullah Xamenei əmron əncom bıbu.

İraği sınnion alimon yol təkidış karde: terroriston cinoyəton rısvo kadeyro həmmə bəpe İslamiyə inğilobi Yolə Rəhbər, Həzrəte Ayətullah Xamenei əmron icra bıkon və dast de yande bıdən.

Abanə manqi 4 minnə ruj, Çoşəmbə rujədə, qıləy silohinə şəxs bə Şahçiraği pokə hərəm varid bıə və bə zayiron səmt qullə ğandışe ki bə Farsi ostandari əmniyyəti-siyasi muavin, Muhebbipur elani əsos, ım terroristiyə hodisədə 13 nəfər şəhid iyən 30 nəfər həm zəxmin bıən.

DAEŞ terroristiyə qrup qıləy bəyoniyə ğolibədə ım hərəkəti məsuliyəti ğəbulış kardə.

Im terroristiyə hərəkət de İ Bıə Milləton Təşkilat və dınyo muxtəlifə kişvəron vositə məhkum bıə.

Bə Fars aqentiyəti beynəlxalğə qrupi raporti əsos, zinə İraği sınnion alimon cəmaəti yol, Xaled Əlmola, Həzrəte Əhməd İbne Musa(ə)-i pokə hərəmi terroristiyə cinoyət bə İslamiyə İnğilobi Yolə Rəhbər, Həzrəte Ayətullahel ozma Xamenei iyən İroni millət təsliyət votışe.

Əlmola təkidış karde: ım cinoyət ki İron İslam Respublikaədə əncom bıə və həmçınin co cinoyəton ki Suriyə, İrağ iyən co qılə kişvəron əncom bıə de terroristiyə Təkfiri qrupon əncom bəbe ki komilə surətədə de beynəlxalğə istikbori rabitəşone, və Amerkə ım qrupon  himoyə kardedə.

Həminə İraği sınni alim ijən əlovəş karde: ğasbu, terroriston cinoyəton vırə muxtəlifə vırə bıbu, əmmo Amerkə çəvon təhrikəkə iyən himoyəkəy, və həmmə cəhdış ıme ki çəmə məntəğə hərcmərc icod ko ta ta de İroni hədəf qətey vositə, çəy inkişofə hərəkətonədə mane bıbu xususi İroni elmi inkişofon.

Əlmola ijən bəyonış karde: çəmə vey yolə deşmon İsraile, ijən əlovəş karde: alimon iyən mərace bəpe sıxən bıvotən, minbəron bəpe ıştə sədo barz bıkonş. ım cinoyət botile. həmmə bəpe de yande dast bıdəmon ta hiç vaxt İron, İrağ iyən hiç vırədə jıqo hodisəon icod məbu, çəmə məsuliyət ıme ki həğiğəti təbyin bıkəmon.