İraği bəzi alimon vindemonədə, Əmirəbdullahiyan təkidış karde: rabitəon zumand iyən əlovə kardey cəhəto, İron və İroği həmkoətion dəvomış heste.

İroni xarıci vəzir votışe: mərdumi iyən rəsmi muxtəlifə baxşonədə, İron və İraği rabitəon vey aliyə vırədə ğərorış qətə və rabitəon bə inkişof rosniyero, muxtəlifə baxşonədə 2 qılə kişvəri həmkoətion iyən məşvırəton həmçınan dəvomış heste.

Zinə, Tehronədə İroği kişvəri mediya fəalon və təhliləkəyon, universiti ustadon və alimonku i dastə de İroni xarıci vəzir, Huseyn Əmir əbdullahiyan vindemonışon kardə.

Bə İrna raporti əsos, İroni xarıci vəzir Huseyn Əmir əbdullahiyan bə İron və İroği miyono bə inkişof rəsə iyən bə bıvəti əsos bıə rabitəon əhəmiyyəti təkidış karde ım rabitəon bə 2 qılə kişvər, millət iyən məntəğəaid bıə əloğəonku zınəş be.

İrağıjə mehmonon həm həminə vindemoni şərayeti icod beyro çı İroni xarıci vəziri cəhdon bə təğdiri loiğ bə hisob vardışone və muxtəlif nəzədə bıə mıvzoon barədə Huseyn Əmirəbdullahiyaniku ıştə sovalon bəyon kardışone.

Asiya ğərb məntəğə ərəbə kişvəron miyonədə, mədəni iyən məzhəbi cəhəto İrağ de İron vey nezə mıştərikə çiyon soybe.