Bəğdadədə bıə İroni səfir de İraği həşduşşəbi rəisi vindemonış kardə.

Bəğdadədə bıə İron İslom Respublika səfir iyən İraği həşduşşəbi (milləti bəsici təşkilot)-i rəis, 2tərəfiyə dılışon bıə məsələon barədə de yande vindemon iyən votımonışon kardə.

Bə İsna aqentiyəti raporti əsos, ki bə Bəğdadədə bıə İroni səforətxonəku nəğlış kardə zinə rujədə İrağədə İroni səfir Muhəmməd Kazım Ale Sadığ de həşduşşəbi rəis, Faleh Əlfəyazi vindemonədə, İraği tojə dıvləti icod təbrik votışe iyən votışe: de 2 qılə kişvəri rəsmi şəxson koməki vositə, dəvardəku vey həmmə baxşonədə Tehron-Bəğdad 2tərəfiyə rabitəon bə inkişof bərəse.

Faleh Əlfəyaz ijən bə Tehron və Bəğdadi vey çokə mucudə rabitəon iyən oxonə soron mıddətədə İron və İraği rabitəon hevujəti işorəş karde iyən mudafiə və əmniyyəti məsələon baxşonədə bə İron İslom Respublika vey barzə zumandətion və təcrubəon təkidış karde iyən ım məsələ məntəğədə stabiləti itən oroməti nışonə zıneydə.

Bəğdadədə bıə İroni səfir və həşduşşəbi rəis, həmçınin İron və İraği miyono rabitəon bə inkişof rosniye iyən zumandəti planon barədə sıhbət bıə.

dəvardə haftədə, İrağədə bıə İroni səfir, Muhəmməd Kazım Ale Sadığ, de İraği əmniyyəti və siyasi rəsmi şəxson de vey muxtəlifə vindemonon əncomışon do, ki ım vindemonon de Tehron-Bəğdadi miyono rabitəon bərğəror kardey, ım kişvəri mərkəzi dıvləti tərəfo marzon kontrol kardey, və həmçınin (İraği şimolədə İron İslom Respublika muxalifə Kırdə qrupon) muxalifon be siloh kardey mehvəriyət be.