İroni səfir de İraği iminnə vəzir vindemonış karde

İrağədə bıə İroni səfir de ım kişvəri iminnə vəzir, 2tərəfiyə rabitəon hevujəti barədə votımonışon kardə

Bə İrna raporti əsos, şənbə rujədə İrağədə bıə İroni səfir, Muhəmməd Kazım Ale Sadığ de İraği kişvəri iminnə vəzir Muhəmməd Şiyae Əlsodani vindemonədə İron bə İron səfər kardeyro İslom Respublika Prezident Sed İbreyn Rəyisi dəvəti bə Əlsodani elanış karde.

Bə İraği iminnə vəziri mediya təşkiloti elani əsos, Ale Sadığ iyən Əlsodani vindemonədə, iğtisodi və invistisiya baxşonədə mıştərəkə sənədon barədə sıhbət bıə.

Im vindemonədə İraği iminnə vəzir və İroni səfir həmçınin təkidışon kardə ki əmniyyəti məsələonədə 2 qılə kişvəri rəsmi şəxson məşverəton dəvom peydo bıko jəqo ki 2qılə kişvəri hakımiyət oqəto və 2 qılə dustə milləti mənafe təmin iyən məntəğə stabiləti və əmniyyət mıhkəm bıbu.

tojə haftəonədə İrağədə İroni səfir Muhəmməd Ale Sadığ de İraği əmniyyəti və siyasi rəsmi şəxson vindemonon cərəyonədə de Tehron və Bəğdadi miyono bıə rabitəon mehvəriyəti, ım kişvəri mərkəzi dıvləti tərəfiku marzon kontrol kardey həmçınin İraği şimolədə İron İslom Respublika muxalifə Kırdə qrupon besiloh karde mıvzo barədəsıhbətış karde.

Asiya ğərb məntəğə ərəbə kişvəron miyonədə, İrağ de İron məzhəbi və mədəni vey nezə rabitəon soybe.

Hamsuyəon miyonədə vey dırozə marzi soyb bey( təğribən 1258 kilometr zəmini marz və 351 kilometr ovi marz), irği, torixi və zıvoni cəhəto əloğəon, dini mıştərəkə çiyon və əmniyyəti iyən iğtisodi mıştərəkə mənafe həmçenin mıştərik təhdidon vucud, İron və İraği rabitəonədə vey muhimmə nuktəonku bə hisob omeydə.