Bə Suriyə şimol şərğ, Tırkiyə dron həmləon.

Zinə şəvi xəbəiyə mənbəon xəbəşon do bə Suriyə şimol şərğ Tırkiyə ərtışi dron həmləon əncom bıə.

Noyabrə manqi 20 minnə rujiku Tırkiyə ərtış ıştə həvoi iyən artileriya həmləon bə Suriyə şimol məntəğəon əlovəş karde.

Vey soron bəbe ki Tırkiyə ərtış bə de terroriston mubarizə bardey bəhonə, Suriyə şimoli məntəğəonku çand baxşi işğolış kardə və ım məntəğəonədə həmçınan Tırkiyə hərbiçionku çand qılə qrup iştirokışon heste.

Bə İrna raporti əsos, Əlhəsəkə ostanədə Amoda şəhri ətrofədə Səncəğ Şeyx nomo bıə diədə, Tırkiyə dron qıləy ğeyri hərbi maşini hədəf ğərorış do.

Tosə bə ısət ım həmlə ziyoniku hiç qılə xəbə muntəşir bıə ni.

Cımə rujədə həm Tırkiyə hərbiçion Həslə şimoli Teltəmər ətrofədə Kozliye di, Hələb ətrofi Eynolərəb şəhri ğərbədə Şoyox Təhtani, Carğoli, Zorməğar dioon vo Eynolərəbi şəhri ğərib ətrofədə Səftəki di hədəf ğərorış doə be.

Həmçınin Tırkiyə ərtış dəvardə pencşəmbə bə Həsəkə ğərbi şimoli ətrofi Əborasin məntəğə ıştə artileriya həmləon binoş karde və ım həmləon nəticədə bə Suriyə şahrvandon iyən molon və kəon vey zərəl ziyon varid bıə.