Xuzıstoni ixracat bə İrağ 6 faiz əlovə bey.

İroni cənub Xuzıston ostani qorokon nəzorətəkə xəbəş: İroni ğeyri nat ixracat bə İrağ 6 faiz əlovə bıə.

Bə İrna zinə ruji raporti əsos, Xuzıstoni qomrokon nəzorətəkə, Behruz Ğərebeyqi votışe: ımsori 8 manqi mıddətədə, 3 milyono 422 həzo ton ğeyri nat əmtəə bə 570 milyono 889 həzo dollar Xuzıstoni qomrokonku bə İrağ sadir bıə ki de dəvardə sori muğaisədə vəzni cəhəto 6 faiz əlovə bey nışoş do.

Ğərebeyqi ijən əlovəş karde:İmom Xomeyni(r)-i porti məxsusə məntəğə iyən Xurrəmşəhr və Abadan qomroki baxşonku, xorək, havzə, kə ləvozimon, dasti sənaye, prosniyə bıə moyon, ruşnə ləvozimon iyən sementi istehsoli iminnə məteriyalon, osınə məmuloton, bə İraği əmtəə ixracati vey muhimmə baxşon əncom bıə.

Xuzıstoni qomrokon nəzorətəkə ıştə sıhbəton dəvomədə votışe: həminə mıddətədə Xuzıstoni qomrokon roy və İrağiku hiç əmtəə bə kişvər varid bıə ni.

Xuzıstoni ostan de 2 qılə İraği ostan Misan de Ələmarə şəhri mərkəziyət və Bəsrə de Bəsrə porti şəhri mərkəziyət, iğtisodi, təlim və mədəni rabitəonışon heste.

Dəvardə sorədə de İraği İron İslom Respublika xarıci ticorəti miğror tğəribən 10 milyard dollar be.