Bə Suriyə şimolədə bıə PKK qrupi həmləon
Tırkiyə Ərtış Suriyə şimolədə bıə PKK qrupi uzvonku 7 nəfəri hədəf ğərorış doə.
Bə Anadoli aqentiyəti raporti əsos, Tırkiyə mudafiyə vəzorətxonə zinə tojə bəyoniyədə elanış karde ki 7 nəfər çı PKK qrupi uzvon Furati sipər nomo bıə əməliyoti nəticədə Suriyə şimolədə hədəf ğəror doəşe.
Tırkiyə mudafiyə vəzorətxonə bənə dəvardə bəyoniyəon elanış karde ki PKK pidəş be Tırkiyədə və bə ın kişvəri mənafe ələyh hərbi əməliyaton əncom bıə ki har əməliyotiku bənav bə əvon həmlə bıə.
Vote lozime ki Dəməşğ vey kərə elanış kardə ki Suriyə və Tırkiyə miyono əloğəon normal bey əsliyə şərt ıme ki Suriyədə çı Tırkiyə hərbi beğanunə əməliyaton sə kardə bıbu.
Bə Suriyə iyən İrağədə bıə PKK qrupi uzvon Tırkiyə həmləon qıləy şərayetədə dəvom kardedə ki ın 2 qılə kişvəri rəsmi şəxson vey kərə həminə həmləon məhkum kardəşone və çəy dəvomi bənə beynəlxalğ ğanun iyən milləton ərazi təmamiyət və hakımiyəti poymol karde nımonə bə hisob vardəşone.
In həmləon nəticədə çandə çı İrağ və Suriyə ğeyri hərbi kırdon avarə bıən.
40 sor bəbe ki Tırkiyə iyən PKK qurupi miyono daveon dəvom kardedə.
