İraği şimolədə, 3 nəfər PKK uzv kıştə bıən

Tırkiyə mudafiə vəzarətxonə, İraği şimolədə, 3 nəfər Kırdıstoni koəkə partiya uzv(PKK) kıştə beyku xəbəş do.

Tırkiyə dıvlət ki PKK qrup iyən çəy şubəon ıştə terroristiyə siyohədə ğərorış do, de ım qrupi mubarizə bardey bəhonə əlovə bə ım kişvəri daxıl, İraği şimol iyən Suriyə həm deştə ğeyri ğanuni həmləon vositə, hədəfış qətə və de Bəğdad və Bəməşği çand kərə etırozon vucudi həmçınan bə ım məntəğəon həmlə kardey holədəy və bəzi vaxt ım həmləon de şiddətin həm əlovə doşe.

Bə TRT kanali raporti əsos, Tırkiyə mudafiə vəzarətxonə ijən elanış karde ki ım 3 nəfər PKK sepatərçiyə terroristiyə qrupi uzv, İraği şimolədə və əməliyotiyə məntəğədə ki bə Ğıfli Pəncə məşhir be, zıney iyən kıştə bıən.

Tırkiyə mudafiə vəzarətxonə ijən işorəş karde ki ım 3 nəfər deştə silohışon be. və co kərə İraği sərzəminədə bə ım əməliyaton dəvomi təkidış kardə.

Milodi 2022 minnə sori Aprilə manqi 18 minnə rujədə, İraği şimolədə, Mətina, Zab və Əfşin-Pasiyan məntəğəonədə, Tırkiyə ərtış bə PKK qrupi ələyh Ğıfli Pəncə nomo bıə əməliyoti binoş kardə be.