İroni insoniyə koməkon 7minnə təyyorə bə Suriyə rəsə
İron İslom Respublika insoniyə koməkon7minnə təyyorə bə Suriyə şimol ğərbi Hələb aeroport varid bıə.
Dışəmbə şəvədə Hələbədə İron İslom Respublika sərkunsol, Səlman Nəvvab Nuri de İrna votımonədə bəyonış kardə ki İron İslom Respublika insoniyə koməkonku 3minnə şələ de aeroport vositə bə Hələb varid bıə.
Nəvvab Nuri ijən əlovəş kardə: ım təyyorə 30 ton xorək məteriyal iyən hışkə şıt bəbe ki buməlarzə vində məntəğəonədə bə zərəl-ziyon vində kəson şiddətinə ehtiyoci əsos pəxş bəbe.
Çımiku bənav həm İron İslom Respublika həvoiyə koməkonku 2 qılə şələ bə Dəməşğ, 2 qılə şələ bə Lazeğiyə iyən 2 qılə şələ həm bə Hələb vığandə bıə be ki de ım təyyorə bə Hələb vığandey, bə Suriyə buməlarzə vində milləti səmt, İron İslom Respublika koməkon vığandə bıə təyyorəon mığdor bə 7 qılə rəsə.
Fevrali 6 minnə rujədə, Dışəmbə sıb, qıləy buməlarzə bə 7.8 rişter yoləti, Tırkiyə cənub iyən Livani şərğ və Suriyə şimol kişvəron larzedə. Həminə buməlarzə cərəyonəəd ki tosə bə ısət çand həzo nəfər ğıboni bıən, bə binaon həm veyə zərəl-ziyanon varid bıə.
Tosə bə ısət həminə buməlarzə kıştə bıə kəson mığdor, Tırkiyə və Suriyədə bə 30 həzo nəfəriku vey rəsə iyən zəxmin bıə kəson mığdor həm vey elan bıə.
Həminə buməlarzə cərəyonədə həmçınin bə binaon veyə zərəl-ziyon varid bıə iyən nicot komanaon həmonə kəson ki binaon jinədə mandən, nicot doey holədən.
Həminə marqinə hodisə de hevujə reaksiyaon bə ico be iyən muxtəlifə kişvəron rəhbəron de Suriyə iyən Tırkiyə milləton həmdardişon be və həminə cəhətədə həm bə 2 qılə kişvər koməkoni əncom bıə.
