Əmirəbdullahiyan: atomiyə sazışi votımonon cəm kardeyro, İron hozzoe
İroni xarıci vəzir votışe: İron İslom Respublika diplomatiya royədə muzakirəku homəyə kardedə və hozzoe ki bə qıləy çok, zumand və stabilə təvafuğ rəseyro votımonon cəm bıko.
Bə İrna raporti əsos, Zinə Çoşəmbə rujədə, Bəğdadədə, İroni xarıci vəzir, Huseyn Əmirəbdullahiyan de İraği xarıci vəzir, Fuad Huseyn mıştərəkə xəbəiyə iclosədə votışe: həmmə zıneydən ki Vyana muzakirəon və atomiyə sazışi muzakirəon cəm kardey iyən bə İroni ələyh zalımonə sanksiyaon peqəteyro votımonon royədə, İraği dıvlət mısbət və konstruktivə hərəkəton əncomış do.
Əmirəbdullahiyan həmçınin əlovəş kardə: İron hozzoe ki bə nakonə muzakirəon və bə İron İslom Respublika sıə xətton əsos, və Vyana əncom bıə muzakirəon cəm kardey royədə qəm peqəto, həlbətə Amerkə tərəfo 2curnə sıxənon və mesajon bəyon bıə və mediya hissədə həm bəzi Amerkəvıjə rəsmi şəxson 2curnə sıxənon voteydən.
İroni xarıci vəzir həmçınin bəyonış kardə: hiç vaxt İron bə atomiyə bomba iyən atomiyə siloh dast peydo kardey dumoədə nıbe və nibəbe iyən həminə mıvzo barədə İslomiyə İnğilobi Yolə Rəhbəri fətva mucude, əv ijən ıştə umo nışoş do iyən votışe: ğərore ki atomiyə sazışi beynəlxalğə Təşkilati mudir, Rafael Ğərosi bə Tehroni ıştə vəoməy səfəri cərəyonədə de texniki və siyasi hərəkəton diyəro mandə nəzəon əsos, de İroni mıvzoon həlliro bə təvafuğ bərəse.
İroni xarıci siyasəti Təşkiloti yol ıştə co qılə sıxənonədə votışe: İrağiku xarıci hərbiçion xarıc bey barədə, ım kişvəri parlamenti prinsipi icro beyro, İron İraği dıvlət və millətiku himoyə kardedə.
İroni xarıci vəzir ijən Tehron və Bəğdad miyono ticori və turizm və iğtisodi həmkoətion barədə votışe: 2 qılə kişvəri miyono ziyorəti, turizm və tranziti həmkoətion, Bəsrə, Şələmçə, Kermanşah, Xosrəvi, Mənzəriyə, Bəğdadi osınə roy komil kardey barədə, 2 tərəfi miyono ciddiyə koon əncom bey holədəy.
İroni xarıci vəzir Huseyn Əmirəbdullahiyan Seşəmbə şəvədə və bə İraği xarıci vəzir Fuad Huseyni rəsmiyə dəvəti əsos və deştə ali heyəti sədrədə bə İrağ varid bıə.
