Omanədə bıə İroni səfir xəbəş do: Omanədə farsi zıvoni təlim mərkəz icod bəbe
Omanədə bıə İroni səfir ım kişvərədə farsi zıvoni təlim mərkəz icod beyku xəbəş do.
Bə İrna raporti əsos, Omanədə bıə İroni səfir Əli Nəcəfi Maskat kitobi beynəlxalğə 27minnə nımoyeşqohədə, de İron İslom Respublika palataku iştiroki vositə xəbəş do ki boçi ki Omani millət, farsi zıvoni təlim kitobon dumoədə və bə farsi zıvoni umutey iyən farsi zıvoni kitobon handey meylışon heste, Omanədə farsi zıvoni təlim mərkəz təsis bəbe.
Fevrali 22 minnə rujiku Maskat kitobi beynəlxalğə 27minnə nımoyeşqoh de 826 qılə naşir 32 qılə kişvəronku əcumlə Livan, Suriyə, İrağ, Koveyt, Tırkiyə, İtaliya, İsveç, Ərəbiston, İ Bıə Ərəbə Əmirəti və...ıştə ko binoşon kardə və tosə Martə manqi 3minnə ruj həminə nımoyeşqohədə bəştə ko dəvom dodən.