Bə İraği kişvər İroni ixracat əlovə bey

İron və İraği mıştərəkə palata idorə heyəti uzv votışe: bə İraği kişvər İroni ixracat vey çokə şəroyetədə ğərorış qətə və 9 milyard dollariku həm dəvardedə.

Bə Tele-Rədio aqentiyəti raporti əsos, İron və İraği mıştərəkə palata idorə heyəti uzv Seyd Həmid Huseyni əlovəş karde: bə Rəməzani mıburəkə manqi nez bey xoto, bə İraği ixracat əlovə bəbe və de diğğət bə cari sorədə bə İraği kişvər ixracati vey çokə vəziyətədə ğəror qətey, proqonoz bəbe ki bə İraği kişvər ixracat 9 milyard dollariku həm vey bıbu.

Asiya ğərb məntəğə Ərəbə kişvəron miyonədə İrağ de İron, məzhəbi və mədəni cəhəto nezə rabitəon soybe.

Hamsuyəon miyonədə vey drozə marzi soyb bey, dini, mıştərəkə çiyon, zıvoni, torixi və irği nezətion, və həmçınin əmniyyəti və iğtisodi mıştərəkə mənafe əcumlə İron və İraği rabitəonədə vey muhimmə nuktəonin.

Dəvardə soronədə bə siyasi, məzhəbi, mədəni veyə mıştərəkə illəton xoto, İron de İraği rabitəon hevujəti 2 qılə kişvəri rəsmi şəxson iminnə koonədə ğərorış qətə.