İron İslom Respublika və Suriyə xarıci vəziron telefoniyə votımon

İron və Suriyə xarıci vəziron, marağinə mevzuon barədə telefoni surət de yande votımonışon kardə.

İron İslom Respublika de Suriyə stratejikə həmkoətiş heste və Suriyə bıhroni mıddətədə, ım kişvəri ğanuniyə devlətiku və terroristiyə muxtəlifə qrupon mubarizə prossesədə bə Əsədi devləti komək kardey cəhəto Tehroni himoyəon ım məsələ vey çok nışo dodə.

DAEŞ-i məğlubiyəti bəpeşt, İron və Suriyə miyono rabitəon ısət hevuj bıə və həmmə zəminəonədə ım rabitəon inkişofro ruşinə vəoməyon mucude.

Həminə cəhətədə və bə Tele-Rədio aqentiyəti raporti əsos, İşəmbə rujədə,  İroni xarıci vəzir, Huseyn Əmirəbdullahiyan və Suriyə xarıci vəzir Feysəl Meğdad deyande telefoniyə votımonışon kardə.

Im telefoniyə votımonədə İron və Suriyə xarıci vəziron 2tərəfi rabitəon oxonə vəziyət və məntəğə və beynəlxalğə vey muhimmə təhəvulaton barədə deyande sıhbətışon kardə.