Fitrə idi əyyomədə İraği əmniyyəti təmin kardeyro, Həşdulşəebi əmniyyəti tədbiron

İraği Həşdulşəebi təşkilot qıləy bəyoniyədə xəbəş do ki Fitrə idi tətilatonədə ım kişvəri əmniyyətiro qıləy tədbi vindey əməliyoti binoş kardə.

İrağədə DAEŞ-i terroristiyə qrupi məğlubiyəti vucud, həni ım kişvəri muxtəlifə məntəğəonədə ım terroristiyə qrupi uzvonku çand nəfər iştirokışon heste və har çand vaxt i kərə terroristiyə hərəkəton əncom dodən.

Bə Çoşəmbə ruji Əlğədiri televeziya kanali raporti əsos, Həşədulşəebi ım bəyoniyədə elanış kardə: Fitrə idi tətilaton əyyomədə ım tədbiron terroriston fırsəti məhv kardey və əmniyəti təmin kardey xoto qətə bıə.

Çımiku bənav həm İraği mıştərəkə əməliyoti ğərorqoh komandiri sıxənəvot, Təhsin Əlxəfaci vottəş be ki İrağədə Fitrə idi tətilatiro həmohənqə plani ğərorqoh hozzoe.

İraği əmniyyət və Həşədulşəebi ğıvvon, DAEŞ və çəy fəror kardə amilon tojədən zuhur kardey vəy qəteyro, həmçınan həmmə kişvəri vırəonədə DAEŞ-i baği mandə amilon po və təğib kardey dəvom dodən.