Bə İron və İraği 2 tərəfiyə həmkoətion hevujəti, Rəyisi təkid

İron İslom Respublika prezident bə İron və İraği 2tərəfiyə təvafuğon əncom bey və Tehron-Bəğdadi 2 tərəfiyə həmkoətion hevujəti təkidış kardə.

Bə İslomi İnğilobi Yolə Rəhbəri təşkiloti elani əsos, Şənbə Şəvvalə manqi 1minnə ruj iyən Fitrə id be.

İslomi mədəniyətədə Şəvvalə manqi iminnə ruj, bənə Fitrə id və bəştə fitrət oqardey ruji şo id təyin bıə.

Bə həminə mənosibəti əsos və bə Mehr aqentiyəti raporti əsos, Şənbə şəvədə İraği iminnə vəzir, Muhəmməd Şiyae Əlsodani telefoniyə təmasədə, bə İron İslom Respublika Prezident, Seyd İbreym Rəyisi və İroni millət Fitrə İdi mınosibəti təbrik votışe.

Im telefoniyə votımonədə İron İslom Respublika prezident həm bə İraği devlət və millət Fitrə idi mınosibəti təbrik votey bəpeşt, əlovəş kardə: Tehron və Bəğdadi təvafuğon komil surət icro bey, 2 qılə kişvəri həmkoətion bə tojə səth rəsey boisəkəy.

İraği iminnə vəzir, Muhəmməd Şiyae Əlsodani həm Fitrə idi mınosibəti təbrik votey bəpeşt, de diğğət bə 2 qılə kişvəri torixi və mədəni mıştərəkəçiyon və mucudə zərfiyəton, har çəxtə 2 qılə kişvəri rabitəon inkişofiro, və cəhdon zərrurət təkidış kardə.