Ğəzzədə sioniston tojə cinoyət İslomi oğoəti beynəlxalğ icma tərəfo məhkum bıə
İslomi oğoəti beynəlxalğ icma sərkatib Ğəzzədə bıə sioniston tojə cinoyəti ki çandə jenon, hırdənon iyən Fələstini muğavimət fərmondəhon şəhodəti bois bıə məhkumış karde.
Bə İRİB raporti əsos, Əli Əkbər Viloyəti ıştə mesajədə təkidış karde ki sioniston cinoyətkorə xəbisə zot ijən oşko bıə.
İslomi oğoəti beynəlxalğ icma sərkatib əlovəş karde: sioniston ıştə daxıli iğtisodi, iştimai, əmniyəti və siyosi problemonku pırəxeyro jığo bə fələstinıjon zidd həmlə kardən, əmmo bəpe aqah bıbun ki ın həmləon çın rejimi ğudrəti nışonə ni bəlkəm ın behrononku fəror kardeyro həminə rejimi bezuəti iyən məğlubiyəti nışonəy.
Fələstini səhiyyə vəzarətxonə elanış kardə ki bə Ğəzzə tanqə sionist rejimi ğırəkə təyyorəon həmlə cərəyonədə, 13 nəfər Fələstini şəhid və 20 nəfəriku vey əcumlə çand nəfər jen və hırdən həm zəxmin bıən.
