Tırkiyə dronon, İraği şimol bombardımon kardışone

Tırkiyə dronon, İraği Dəhoki ostan bombardımon kardışone.

Vey mıddət bəbe ki Tırkiyə de P.K.K terroristiyə qədə qrupon muğabilə kardey bəhonə bə İraği ərzi təmamiyyət həmlə kardedə. Ğeyd kardənine ki P.K.K Avropa ittifoğ, Amerkə və Tırkiyə kişvəron terroristiyə siyohədə ğəror qətəşe.

Bə təsnim aqentiyəti raporti əsos, qıləy İraği əmniyyəti mənbə elanış kardə: Tırkiyə dronon İraği şimol, Dəhok ostan Əlemadiyə məntəğədə Cəbəl Mətin dion bombaon kardışone.

Im İraği mənbə əlovəş kardə: ım bombaonədə, bə Tırkiyə Kırdıstoni fəhləon partiya amilon, və qıləy maşin ki bəvədə ım partiya hərbiçionku çand nəfər bin, bombaom bıən.

Tırkiyə, P.K.K məsul zıneyədə ki 40 həzo Tırkiyə şahrvandi kıştey bois bıə. Qıləy holədə ki çəy mığubilədə həm Ankara ərtışi həmləon dumoədə, vey Suriyə və İraği şimoli məntəğəonədə hiç kəs sakin ni.

Çımiku bənav həm İraği Kırdıstoni Mihəni ittifoği uzv Ğiyas Əlsorçi həm vottəş be: İraği şimolədə, 600 qılə həyvonon və kaştemoni istehsolon təminəkə dion sakinon bə Tırkiyə bombaon xoto, avarə bin.