De Ğıbonə İdi mınosibəti təbrik.
Imruj Hcri Ğəməri 1444-nə sori Zilhiccə manqi 10, Miladi 2023-nə sori iyoni 29 de mıslmonon vey yolə idonku qıləyni Ğıbonə İd ya Əzha idi bərobəre.
Ğıbonə idədə bə Xıdo kə ziyorət şıə hocion de Xıdovəndi əmri və çəy rizoyəti xoto ğıboni iyən Həzrəte İbrahim(ə)-i xatirə bəji kardən və əy əziz qətedən.
Xıdovənde xalığ çı Həzrəte İbrahim(ə)-i imon və ixlosi imtivon kardero, bəy məmuriyətış do ki xıdo roədə ıştə zoə Həzrəte İsmail(ə)-i ğıboni bıko.
Həzrəte İbrahim(ə) de ım ko saxt bey vıcudi İlahiyə əmri ğəbullş karde və bo ım məmuriyəti icra kardey hozzı be əmmo har çəxtə cəhdış karde çəxo Həzrəte İsmail(ə)-i qi nıbırişe.
Eyni-holədə bə Həzrəte İbrahim(ə) xətob be: "tı İlahiyə imtivonədə səbarz biş" Xıdo peşo qıləy pəsış vığandə ta İbrohim(ə) əy Həzrət İsmail(ə)-i əvəzi ğıboni bıkə.
Im ibrətin iyən pandinə macəraədə, fidokorəti, bə nəfsaniyə həvson ğələbə karde, iyən xıdovəndi əmri vədə təslim bey muşahidə bıdə, çumçiku dınyo mıslmonon həm zilhiccə manqi 10 minnə ruji, bənə qıləy yol iyən islami əzəmətinə idi əziz qətedən və çəyku ixlos iyən bandəçiyəti dərsi omotedən.
İroni Tolışi Rədio tərəfo İjən Ğıbonə İdi mınosibəti bə dınyo həmmə mıslmonon, məxsusən şımə tolışə həmzıvonon təbrik voteydəmon.
