İraği milli əmniyyəti mışovir: Bəğdad meylış heste de İron rabitəon hevuj ko

İraği milli əmniyyəti mışovir votışe: İraği devlət pidəşe həmmə baxşonədə de İron ıştə rabitəon hevuj ko.

Asiya ğərb məntəğə Ərəbə kişvəron miyonədə mədəni və məzhəbi cəhəto İrağ de İron vey nezə rabitə soybe.

Hamsuyəon miyonədə vey dırozə marzi soyb bey, irğçi, torixi, zıvon, dini dəçokney, və əmniyəti və iğtisodi mıştərəkə mənafe və təhdidon soyb bey, İron və İraği rabitəonədə vey muhimmə nuktəon bə hisob omeydə.

Dəvardə soronədə həm bə siyosi, məzhəbi, mədəni veyə mıştərəkəçiyon xoto, İroni rabitə de İrağ i hevuj kardey, 2 qılə kişvəri rəsmi şəxson koonədə ğərorış qətə.

Həminə cəhətədə və bə İrna Seşəmbə ruji raporti əsos, İraği milli əmniyyəti mışovir, Ğasım Ələerəci, İron İslom Respublika xarıci vəziri siyosi muavin Əli Bağıri Kəni və çəy bə ico bıə heyəti vindemonədə ki de Bəğdadədə bıə İron İslom Respublikasəfir, Muhəmməd Kazım Əlsadığ iyən Bəğdadədə bıə rabitəon koonədə İraği xarıci vəziri muavin Muhəmməd Bəhrololom əncom bıə, votışe: Bəğdad de İroni həmmə rabitəon hevujətiku himoyə kardedə.

Im vindemonədə əlovə bə 2qılə hamsuyə kişvər iyən milləti mnafe təmin kardey cəhətədə 2tərəfiyə həmkoətion hevujəti hələkəroyon təğib kardey, mıştərəkə mevzəon və dosyəon xususi marzon əmniyyət və bə sazışon 2tərəfə pobəndon təğib bıən və 2qılə kişvəri miyono bə imzo bıə əmniyyəti sazışon icro bey təkid bıə.