Əmirəbdullahiyan: əmə bə muğaviməti cəbhə tosə sionist rejimi məhv bey ıştə dasto omə har koməki bəkardımon
İroni xarıci vəzir təkidış kardə ki İron İslom Respublika tosə sionist rejimi məhv kardey iyən işğolçiyəti komil surət peqəteyro bə muğaviməti mehvər komək kardeyro ıştə həmmə cəhdon əncom bədoy.
Bə Tele-Rədio aqentiyəti raporti əsos, zinə işəmbə rujədə İroni xarıci vəzir, Huseyn Əmirəbdullahiyan bə Livani Hezbullah sərkatib Seyd Həsən Nəsrullah xitob qıləy mesaj ğolibədə 33 rujə canqədə Livani Hezbullah səbarzəti sorəqarışi təbrik votey bəpeşt, əlovəş kardə: de Livani ciqəmandə hırdənon və canqəkəyon vositə, 33 rujə canqədə sionist rejimi be abroə məğlubiyət, İslomi muğaviməti nəticəon və dəvəşə muvəffəğiyətonkue ki anti işğolçiyə mubarizon torixədə vey muhimmə noğtə bə hisob omeydə.
Bə Livani Hizbullah sərkatibi xitob İroni xarıci vəziri mesajədə təkid bıə: İron İslom Respublika həmişə Hizbullah və muğaviməti kənoədə be və de diğğət bə muğaviməti mehvəriku himoyə kardey prinsip, sionist rejimi məhv bey iyən işğolçiyəti komil surət peqətey və muğaviməti mehvəri iğtidor və muvəffəğiyət və ali səth rəseyro ıştə həmmə koməkon və cəhdon əncon bədoy.
Milodi 2006 minnə sori 2006 minnə sori İyulədə Livani Hizbullah ğıvvon iyən sionist rejimi ərtışi miyono 33 rujə canq bino bıə və Avqustə manqi 14 minnə rujədə həm de Livani Hizbullah səbarzəti həm bə oxo rəsə.
