İroni polis ğıvvon marzbonəti komandir: zayiron şe-omeyro de İraği marzbonəti həmohənqətion əncom bıə

İron İslom Respublika polisi ğıvvon marzbonəti komandir votışe: Ərbəyine Huseyn(ə)-i zayiron şe-omeyro de İraği kişvəri çokə həmkoətion bərğəror bıə.

Bə İsna aqentiyəti raporti əsos, Seşəmbə rujədə İron İslom Respublika polisi ğıvvon marzbonəti komandir Qeneral Əhməd Əli Qodərzi İroni cənub ğərb Xuzıston ostani Çəzzabə marziku vindemoni cərəyonədə de jurnaliston votımonədə əlovəş kardə: kişvəri marzonku həvoiyə vindemoni cərəyonədə vindey bıdə ki kişvəri marzonədə vey çokə əmiyyət bərğərore və diplomatiya cəhəto de İraği kişvər vey çokə həmohənqion icod bıə.

İron İslom Respublika polisi ğıvvon marzbonəti komandir ijən təsdiğış kardə: holihazırədə marzon əmniyyəti vəziyət stabilə vəziyətədəy iyən hiç problemış ni.

Bə Qeneral Qodərzi votey əsos, marzi terminalon iyən dəvardəcoonədə Həzrəte İmom Huseyn(ə)-i zayiron iyən aşiğonku əzəmətinə iştirok de yolə ğəhrəmonəti surət və dınyo muxtəlifə kişvəonku icod bıə ki ım Ərbəyine Huseyn(ə)-i mərosimədə qılyə islomi sivilizasiya soxtey bəbe.

Hicri Ğəməri 1445 minnə sori Səfə manqi 20 (Milodi 2023 minnə sori Sentiyabrə manqi 6 minnə ruj, Kərbəloədə, Şiəyon 3minnə İmom, Həzrəte İmom Huseyn(ə)-i şəhodəti Ərbəyinə ruji bərobəre və ım rujədə Zayiron  Ərbəyine Huseyn(ə)-i mərosimədə iştirok kardeyro bə İraği cənub Kərbəlo şəhr varid bəben.