İroni mədəni məşvərətəkə, bə Ərbəyine Huseyn(ə)-i zayiron çokə mizbonəti xoto İraği devlətiku ğədrdonətiş kardə

İrağədə bıə İron İslom Respublika mədəni məşvərətəkə Ərbəyine Huseyn(ə)-i ziyorətədə ım kişvəri milləti zəhmədon iyən cəhdonku təşəkkurış kardə.

Hicri Ğəməri 1445 minnə sori Səfə manqi 20 (Milodi 2023 minnə sori Sentiyabrə manqi 6 minnə ruj, Kərbəloədə, Şiəyon 3minnə İmom, Həzrəte İmom Huseyn(ə)-i şəhodəti Ərbəyinə ruji bərobəre və ım rujədə Zayiron  Ərbəyine Huseyn(ə)-i mərosimədə iştirok kardeyro bə İraği cənub Kərbəlo şəhr varid bəben.

Bə İsna aqentiyəti raporti əsos, İrağədə bıə İron İslom Respublika mədəni məşvərətəkə Ğolam Rıza Əbazəri ictimai kanalonədə ıştə şəxsiyə səhifədə və İroni zayiron vey cəhdon iyən himoyəon xoto, İraği millət və devlətiku və İraği muğəddəsə vırəon və dini mərcəiyətonku ğədrdonətiş kardə.

Çımiku bənav həm Bəğdadədə bıə İroni səfir Muhəmməd Kazım Ale Sadığ bə Həzrəte Əbaəbdullahel huseyn(ə)-i zayiron xalisonə iyən aşiğonə xıdmət rosniye xoto, İraği millət iyən devlətiku ğədrdonətiş kardə.

Dınyo şiəyon 3minnə İmom, Həzrəte İmom Huseyn(ə)-i şəhodətiku 40 ruj bəpeşt, ki de Səfə manqi 20 minnə ruji bərobəre Ərbəyinə ruje.

Im ruj bə ım illət məşhure ki Hicri Ğəməri 61 minnə sori Səfə manqi 20 minnə ruj Kərbəlo əsiron Şamiku oqardey royədə İmom Huseyn(ə)-i dəkandə bıə vırə ziyorət kardeyro bə Kərbəlo şin.