İraği prezdent: Ərbəyini mərosim dınyoş bə təəccıb vardə

İraği prezdent votışe: Ərbəyini əzəmətinə şemon mərosimədə İmom Huseyn(ə)-i aşiğon və İrağıjon həmmə dınyo təəccubinış kardə.

Bə İrna seşəmbə ruji raporti əsos, Əbdullətif Rəşid İmom Huseyn(ə)-i ərbəyini dəme mınosibəti de qılyə mesajədə bə ım kişvəri millət bəyonış kardə: Ərbəyini ziyorəti şemonədə, İmom Huseyn(ə)-i ərbəyini sorəqardışədə, İmom Huseyn(ə)-i aşiğon və İrağıjon vey ğəşənqə şikil nışo dodən ki həmmə dınyo təəccubinış kardə və baxşış iyən fidokorəti ki İrağıjon vey barzə xusiyətonku bə hisob omeydə.

Rəşid ım mesajədə ijən işorəş kardə ki İmom Huseyn(ə)-i ərbəyini əyyomədə ə Həzrəti yolə dərson və vey təəcubinə ciqəmandə ğəhrəmonətion çəmə yod dəğandə bəbe əv ijən əlovəş kardə: İmom Huseyn(ə) zılm, həxi inkor kardey iyən ictimai ədoləti məhv kardey ğəbulış nıkardə və istebdadi hukumətədə bıhron icodış kardə.

Imruj Hicri Ğəməri 1445 minnə sori Səfə manqi 20 (Milodi 2023 minnə sori Sentiyabrə manqi 6 minnə ruj, Kərbəloədə, Şiəyon 3minnə İmom, Həzrəte İmom Huseyn(ə)-i şəhodəti Ərbəyinə ruji bərobəre və ım rujədə Zayiron  Ərbəyine Huseyn(ə)-i mərosimədə iştirok kardeyro bə İraği cənub Kərbəlo şəhr varid bəben.