De dınyo şiəyon 8-ə imom Həzrət Rıza(ə) şəhodəti sorəqardışi mınosibəti təsliyyət.
İslomi İron de dınyo şiəyon həştminə imom bıə həzrət İmom Əli bin Mosa ər-Rıza(ə) şəhodəti sorəqardışədə matəm və ğəmi dılədəy.
Imruj(şanbə) hicri 1445-ə sori Səfə manqi 30-ə rij çe dınyo şiəyon həştminə imom Həzrət Rıza(ə) şəhodəti sorəqardışe və de 16 sentyabr 2023-ə sori torixi bərobəre.
Həzrət İmom Rıza(ə) hicri 148-ə sori Mədinə şəhrədə moəku bıə və hicri 203- ə sori Səfə manqi oxonə ruji bə şəhodəti məğami rəsə.
Həzrət İmom Rıza(ə) (ə) həyot iyən imomət çe insonon bə Əhli-Beyt (ə) məsumiyyət iyən pokəti meyli zirvə və barzəti iyən çe Əhli-Beyti(ə) məsum və pokəti xıyzoni məşhurə əsoson hevujəti devr be.de insonon bə dınyo şiəyon 8-ə imomı(ə) meyl və məhəbbəti ziyod bıey əloğədor,Əbbosi xəlifə Məmun de qıləy hiylə ə həzrətış zəhrin karde və bə şəhodəti məğamış rosne.
İslomi İroni xalğ har sor de dınyo şiəyon 8-ə imom Həzrət İmom Rıza(ə) şəhodəti sorəqardışi mınosibəti,şəv və ruji huseyniyyə, məçitonədə,çə həzrəti Məşhədədə (İroni şimol-şərğədə bıə) pokə hərəmədə və həmçinin mığəddəsə Ğom şəhrədə Həzrət Məsumə(ə) hərəmədə ziyorət kardə holədə,əzodorəti mərosimon dəvordıneydən.
İron İslom Respublikə Rədio iyən Televiziyə Təşkilot de dınyo şiəyon 8-ə imom Həzrət İmom Rıza(ə) şəhodəti sorəqardışi mınosibəti,bə qırd mısılmınon və bə dınyo digər ozodi piyəkəson təsliyyət doydə.
