İslom dınyo himoyəon bə Fələstini hədəfon təkid kardey
Pakistonədə bıə Fələstini ozodi konfransədə iştirokəkəyon təkid kardışone ki Fələstinıjon mudafiə kardeyədə islom dınyo bəpe siyosi və diplomatiya nəzəonku bəpe qəm peqəto.
Fələstini ozodi iclos, Şənbə rujədə, Pakistonədə de mısılmonon vəhdəti parlamenti partiya cəhd iyən de Pakistoni alimon, məzhəbi məşhurə şəxson ijən İroni İslomi Respublika səfir bərpo bıə.
Im konfransədə nıtğəkəyon və iştirokəkəyon təkidışon kardə ki israil qıləy ğeyri ğanuni və pesoxtə bıə rejime və ğərəz Fələstini kişvəri icod kardey hiç hələkə roy mevcud ni.
Pakistonədə mısılmonon vəhdəti parlamenti partiya yol, Nasır Əbbas Cəfəri ım konfransədə bə Amerkə rəhbəri, israil rejimiku ğərbi kişvəron himoyəon de şiddətin məhkumış kardə və votışe: israiliku Amerkə silohin və moli himoyəon oşko surət nışo dodə ki Fələstini ğətli-am kardeyədə ğərb və Amerkə şərikin çən islom dınyo bəpe de ım plani mubarizə bardeyro əktiv bıbun.
Pakistoni Hədisi əhli cəmiyəti rəhbər Əlamə Ziyaollah Şah Boxari həm Fələstini hədəfonku ıştə himoyəon elanış kardə iyən bə muğavimətimehvəri canqəkəyon ehtırom noey bəpeşt votışe: həğiğətədə Ələğsa Tufan, Fələstin və dınyo ozodtələbon mudafiə milləton dıli urzoe ki bə israili ələyh və de Beytulmuğəddəsə canqəkəyon dasti vositə icro bəbe.
