İraği Musolədə Daeşi tojə cinoyət.

Daeş terroristiyə qrup İraği Şimalədə bıə məntəğəonədə 190 qılə ğeyri hərbion ğətliamış kardə.

Bə Pres Tv raporti əsos Daeş terroristiyə qrup çı Neynəva ostanədə bıə Musol şəhri 190 qılə şəhrvandon ki ım şəhriku xaric bey iyən ıştə coni nicot doe pidəşon bən ğətliamış kardə.

İjən xəbə omə ki Amerkə hərbiyə ğıvvon zinə bə musoli ğərb məntəğəon hərbi həvoiyə hucumi məsuliyəti bə qiş qəte, ım hucumədə çandə İraği ğeyri hərbion kışte və vey kəson zəxmin bən.

İraği rəsmion zinə elanışon kardə ki bə ğeyri hərbion hucumi nəticəku ki Amerkə hərbi təyyarəon çəy amil bən vey kəson çı İraği ğeyri hərbi beqınohə odəmon həm kıştə bən.

Amerkə həminə hərbi həvoiyə hucumi barədə çı Neynəva ostandar Nofal Həmdi həm 130 nəfər İrağejə şəhrvandon kışteyku xəbəş doə.

İraği Musol şəhri ozod karde əməliyaton ijən Neynəva ostaniku Daeş terroristiyə qrupi be karde hərbi hemecom de İraği i minə vəzir Heydər Əlebadi əmri dəvardə sori Oktiyaberi 17 minə rujiku bino bəy.

İraği hərbion Musol şəhri şərğiyə məntəğəonışon çı Daeş işğaliku ozod kardəşone ijən ğərbiyə məntəğəon ozod əkə əməliyaton hejo dəvomış heste.

Detosə bə ısət vey baxşon Daeş terroristiyə qrupi dastiku ozod bıə.