Irağədə Hac Ğasım Suleymani və Əbu Məhdi Əlmuhəndisi şəhodəti sorəqardışi bərnoməon bino bıey
Həşdu-Şəbi təşkilati sədr, Hac Ğasım Suleymani və Əbu Məhdi Əlmuhəndesi şəhodəti sorəqardışi bərnoməon bino bıeyku xəbəş do. ım 2 qılə yolə şəxsiyəton İrağədə bə DAEŞ-i terroristiyə qrupi ələyh səbarzəti komandiron məşhur bıən.
Bə Midel İst Niyuz şənbə ruji raporti əsos, Həşdu-Şəbi təşkilati sədr, Faleh lfəyaz, Qeneral Hac Ğasım Suleymani və Hac Əbu Məhdi Əlmuhəndesi şəhodəti sorəqardışi mərosimi bino bey elanış kardə.
Əlfəyaz ijən votışe: Əbu Məhdi Əlmuhəndes qıləy şəxsiyət be ki mediya duə votə qəpon diyəro bə qıləy simvol əvəz bıə və çəy xun həmişə səbarz və cəlladi şımşi həmişə darşiyə bəmando.
Əlfəyaz bə iştirokəkəyon xitob əlovəş kardə: əhd dəbastedəmon ki Həşdu-Şəbi təşkilat de şımə bə ico bəmande və har zəmon iyən har vırədə ki xıdmətiro lozim bıbu be təxir iştirok bkarde.
Miladi 2020 minnə sori, Dey manqi 13 İroni Sepahe Ğuds təşkiloti nakonə fərmondə iyən dılon sərdor, Şəhid Hac Ğasim Suleymani qıləy holədə ki İraği rəsmi şəxson dəvəti bə ım məmləkət səfərış kardə be, de Amerkə təcavuzkor iyən terroristiyə ğıvvon xəbisə əməliyoti vositə Bəğdadi airporti nezi şəhid be.ım hodisədə İraği milləti bəsici (Həşdu-Şəbi) nakonə komandir Əbo Məhdi Əlmuhəndes iyən 8 nəfər ım 2 qılə komandiri bə ico bıə kəson həm şəhid bıən.
