İnğılobi Ali Rəhbər:Həmmə mısılmınon bəpe çe Livani millət iyən səbarzə Hizbullah kəno bımandon
İnğılobi Ali Rəhbər:Həmmə mısılmınon bəpe çe Livani millət iyən səbarzə Hizbullah kəno bımandon
İnğılobi Ali Rəhbər:Həmmə mısılmınon bəpe çe Livani millət iyən səbarzə Hizbullah kəno bımandon
İslomi İnğılobi Ali Məğaminə Rəhbəri Livanədə bə əməl omə de oxonə hodisəon anqıl təkidışon kardə ki,qırd mısılmınon bəpe deştə imkonon çe Livani millət iyən səbarzə Hizbullah kəno bımandon və de ğəsbkor,zolım iyən şərə rejimi mıborizədə bəy koməq bıkon.
Bə Ali Rəhbəri Aparati informasiyə bazə əsosən;İslomi İnğılobi Yolə Rəhbər Həzrət Ayətullah Xameneyi Livanədə bə əməl omə oxonə hodisəon əloğədor ıştə mırociyətədə hamyəşe:Livanədə bemıdofiyə insonon ğətl-am kardey həni bə həmmə kəson çe seonist divinə sıpə vəhşiyətiş oşko karde və co tərəfiku həm çın ğəsbkorə rejimi rəhbəron kuto vindey iyən beməxə siyosətış isbot karde.
İslomi İnğılobi Ali Məğaminə Rəhbəri əlovəş karde:sehyonist rejimi idorəkə terrorə dastə Ğəzzədə bardə i sornə cinoyətkorə canqiku dərsışon nıstəne və dərəsey nızınin ki,jen,hırdən iyən mulki əhali kutləvi şikilədə ğətlı-am kardey bə mığoviməti təşkiloti zu təsir iyən əy məhf kardey nibəzıneyn.ısət Livanədə həm eyni səfiyə siyosəti bə həyot dəvordıneydən.
Həzrət Ayətullah Xameneyi təkidışon karde ki,seonistə cinoyətkoron bəpe bə Livani Hizbullah zumandə strukturi ciddiyə ziyon nıjəney ğədərədə ıştə hırd bey bızınon və bə yodışon dənoe ki, bəpe məntəğədə bıə qırd mığoviməti ğıvvon çı Hizbullah kəno bıbon iyən bəy dastək bıdon.çın reqiyoni tale,mığoviməti ğıvvon və çəvon sədə mandə səbarzə Hizbullah mıəyyən kardey bə yod dənoə İslomi İnğılobi Ali Məğaminə Rəhbəri əlovəş karde:Hizbullah ımruj de Xıdo imdodi çe təcavuzkor,xəbis və siyoə dimə dışmeni peşmon bəkarde.
