Daeş terroristiyə qrup, məcburi surətədə İrağıjə hırdənonku intihar əməliyatonədə istifodə kardedə.

Daeş terroristiyə qrup İrağıjə hırdənon bə intihar məcbur karde xoto ijən əvoni terroristiyə əməliyatonədə istifodə karde qornə bə hırdənon xorək dodəni.

Bə Əlyəom Əlsabe sayti raporti əsos və İnqiltərə İndependent rujnomə nəğliku: Daeş terroristiyə qrupon İraği işğal bıə əraziədə hırdənonışon anədə vəşyan haştən ta əvon bə qədə xorəkon rozi mande iyən ihtiyoc peydo karde xoto məcburi sorətdə canqi meydonədə hozzo peydo bıkən.

Çın rujnomədə və İzədi fəror kardə hırdənonku nəğl bıə ki çandə Daeş terroristiyə qrup bəvon zılm kardən və təsdiğ bıə: Daeş bə vəşiyanə hırdənon jıqo votəş be ki jıqonə intihariyə əməliyaton bəpeştə əvon vəhiştədə xorakə bəharden çən lazime ki bə vəhişt dəşe xoto ıştəni İraği şəhrvandon dılədə intihar bıkən.

Raporti dəvomədə omə ki İşid terroristiyə qrup çand sa nəfər kinə hırdənonış İraği Şimaliyə diyonədə təlim dodə və ıştə idoloqiyaon çəvon fikədə ilğaş kardə ki əvon terroristiyə əməliyatonədə ıştəni intihar bıkən.

Həminə cinoyəton barədə anədə filmon hestin hədo-əndazəş ni.