Suriyədə terroriston kimyəviyə hucumi fikədən.
-
Bə Xan Şeyxon və Kəfəriya kimyəviyə huccumi əncum bey xətər.
Xəbəiyə mənbəon Suriyədə terroriston kimyəviyə huccumi barədə xəbə dortişon do, məvuji Əlnosrə terroristiyə qrup ıştəni hozzo kardedə ta Xan Şeyxon və Kəfəriyadə kimyəviyə huccumi əncom bıdə.
Bə Livani Əlməyadin kanali raporti əsos Suriyədə qıləy hərbiyə mənbə elanış kardə Əlnosrə terroristiyə qrup ıştəni hozzo kardedə ta Xan Şeyxon və Kəfəriyaədə de sarin kimyəviyə qazi ijən de Amerkə, Tırkiyə və bəzi çı terroristiyə qrupon sərkərdəon koməki qıləy pesoxtə bıə həmlə əncom bıdə və hol ım ki Amerkə rəsmi şəxson dəvardə rujonədə ijən iddiyaşon kardə ki Suriyə dıvlət ıştəni hozzo kardedə ta bə muxalifə qrupon kimyəviyə huccum bıkə.
Suriyə, Rusiyə və mığovimət cəhbədə həmpeymonom çı Amerkə rəsmion həminə iddiyaonışon Suriyədə bo cənq və mıdoxiləro zəminəon mıhəyya karde misdağ zınəşone.
İjən xəbə omə ki çı Suriyə 4 qılə hərbion Daeşi tojə huccumədə kıştə bən, ım hərbion Deyr Əlzurədə xorəkiyə bo və şələon vırə bə vırə karde holədə bın.
Tojədən təsdiğ bıə ki Daeş terroristiyə qrup Forati səddi baste xoto pidəşe Deyr Əlzur ostani sakinon ovi ğət bıkə.
Suriyədə Daeşi cinoyəton qılə holədə dəvomış heste ki beynəl xalğiyə təşkilaton ijən bə Suriyədə Daeşi cinoyəton sayədə insonə həxon çandə ləğv bey diğğət dodə nin.
