Mosuli ğədimiyə hissədə Daeşi uzvon ijən həlok bıən.

Ujnən çı Daeşi uzvon İraği Neynəva ostani mərkzədə bıə Mosuli ğədimiyə hissədə həlok bıən.

Bə Spotnik aqentiyəti raporti əsos, İraği harbiyə ğıvvə qıləy bəyoniyədə elanış kardə ki ım kişvəri hərbiyon çı Daeşi 35 qılə uzvonışon Mosuli ğədimiyə hissədə bıə oxonə bazaonku fəror karde holədə həlok kardeşone.

Bəyoniyədə ğeyd bıə: İraqi hərbiyon ijən 6 nəfər çı Daeşi uzvon dəstqir kardəşone.

İraği hərbiyə əməliyaton mıştərikə fərmondə Yahya Rəsul həm elanış kardə: Diclə ru ətrofədə bıə qədə davon kənodə əmmo İraği hərbion çı Mosuli ğədimiyə hissə kontoroli kamilən ıştə ixtiyorədə qətəşone.

Daeş terroristiyə qurup 2014-nə soriku de Amerkə və çəy Ğərbi-Ərəbiyə həmpəymonon əcumlə Ərəbıston və Tırkiyə bə İraq hucuməşon kardə ijən çın kişvəri şimal iyən ğərbiyə hissəon işğal kardeşone və çandə cinoyəton mırtəkib bıən.

Əmmo de İraği milləti vəhdəti Mosulədə bo Daeşi məhv kardeyro əməliyaton 2016-nə soriku bino bıə və isət çın şəhri şərği məntəğəon ozod karde bəpeşt xəbə omə ki ğərbi hissə həm kamilən ozod bey holədəy.