Səudiyyə Ərəbıstonı hərbiyə təyyarəon Hədidə məntəğədə Xoxə nomo bə portışon bombardımon karde nəticədə yəmənı 8 qılə moyəqətonku kıştə bedən.
Səudiyyə Ərəbıstonı hərbiyə təyyarəon zinə əsrə vaxti yəmənı Hədidə Xoxə nomo bə porti bombardımon kardən ki nəticədə yəmənı 8 qılə moyəqətonku kıştə bedən.
Bə İRNA xəbon əsosi Səudiyyə Ərəbıstonı hərbiyə təyyarəon hucumi bəpeştə qıləy yəmənıjə moyəqət həm qin bə.
Səudiyyə Ərəbıston de Amerkə tərəfdarəti və İbə milləton təşkilati tam jeədə 2015 minnə sori martə manqiku bə yəmənı zid hərbiyə təcavuzış təşkil kardə və yəmənı bə kəno mandə bə president Əbde Rəbbe Mənsur Hadi bə ğıvvə oqırdıne vavunədə ım məmləkətış zəmin deyo və həvoku muhasirəş kardə.
ım hərbiyə təcavuzi nəticədə 12 həzo nəfərisə ve yəmənıjə şəhrvand kıştə bə və çandə 10 həzo nəfər yarəjə bən və çandə milyon yəmənıjə şəhrvand həm avərə bəy eyne holədə çı məmləkəti əsosə mərkəzon həm xərobə bən.
