Bə Ələğsa Məçiti mudafiə kardero mısılmonon bəbe ğiyam bıkən.
-
Siyonist rejim İyoni 14ku detos 16 minə ruji Ələğsa Məçiti kəy bəon bastəşon bən.
Əhli Beyti İsmət və Təharət(ə) beynəl xalğiyə icma zinə qıləy bəyoniyədə mısılmonon dəvətış kardə ki bə Ələğsa Məçiti mudafiə karde xoto ğiyam bıkən.
Im bəyoniyədə bə siyonist rejimi siyasəton və cinoyəton çı Ələğsa məçiti kamilən işğal karde işorə bıə ijən elan be: siyonist rejim deştə hərəkəton və bərnoməon Fələstinədə şərifə Ğudsiku islamiyə əsəron və simvolon məhv karde pidəşe.
Əhli Beyti İsmət və Təharət(ə) beynəl xalğiyə icma siyonist rejimi cinoyəton peştədə Amerkə himoyəonku tənğidış kardə ijən ğeyd kardə ki: Amerkə himoyəon sayədə ısət siyonist rejim çımiku vey Fələstinıjon ğətliam kardedə ijən çəvon həx-huğuğon ləğv kardə.
Bəyoniyə dəvomədə bə bəzi ərəbi-islamiyə kişvəron ğeyri ğanuni və nohəxə siyasəton de siyonist rejim əloğəon addi karde işorə bıə ijən ım ğeyri ğanuniyə rejimi bevəcə planon barədə Ələğsa Məçiti kamilən işğal karde xoto xəbə dorəti dodə.
Əhli Beyti İsmət və Təharət(ə) beynəl xalğiyə icma bə həmmə mısılmonon tələbış kardə ki detosə Fələstin sərzəmini kamilən ozod karde zəmoni mubarizə iyən mığoviməti dəvom bıdən.
Siyonist rejim İyoni 14ku detos 16 minə ruji Ələğsa Məçiti kəy bəon bastəşon bən ijən bo nımoj votə kəson şe-oməro ım məçitədə çandə kontroləkə sistemon noəşon bənş
Orəx de Fələstin milləti mığovimət və islami vey kişvəron iyən beynəl xalğiyə təşkilaton fişaron ım rejim ıştə tojə siyasəton və hərəkətonku bə domo nıştə.
