İraği Təlle Əfər şəhri şərğiyə məntəğəon ozod bıən.

İraği şimalədə Təlle Əfər şəhri ozod karde əməliyoti nəticəku ım şəhri şərğədə bıə Əlneda nomo bıə məntəğə həm DAEŞ(İŞİD)terrorşiyə qurupi dastiku ozod bıə.

Bə İrib raporti əsos, İraği məlumat ərosnə mənbəon elanışon kardə ki İraği mıştərikə ğıvvon Təlle Əfəri şərğədə bıə Əlməhləbiyyə məntəğə kamilən ozod karde bə peştə ısət bə Əltəlaiyə məntəğə hucumışon kardə ki İşid(Daeş) terrorçiyə qurupi uzvon əyo məxfi bıən.

İraqi Həşduş-Şəəbi ğıvvon həm təkidışon kardə ki İraği boydəğ de İraği co hərbiyon koməki Təlle Əfər şəhri mərkəzədə rost bəy ijən həmmə rəsmiyon və hərbiyon ım şəhri vey rə ozod kardero umidvarin.

İraqi Həşduş-Şəəbi ğıvvon həmçınin, Təlle Əfəri ozod bıə vırəonədə çandə kə, roon iyən maşinonədə DAEŞ(İŞİD) terrorçiyə qurupi noə bombaon xonsaşon kardən.

İjən xəbə omə ki Ələnbar ostani Fəlucə şərğədə DAEŞ(İŞİD) terrorçiyə qurupi qıləy maşinədə bomba tıpemon hadisədə 5 qılə İrağıjə hırdənon kışte və zəxmin bıən.

Im ostani Həyt şəhrədə həm co qılə tepemon hadisədə 4 qılə çı İraği polis ğıvvon zəxmin bıən.