Suriyə Rəğğədə DAEŞ-i uzvon təslim bıən.
-
Rəğğə çı Suriyə i minnə vey yolə şəhre ki İŞİD-i tərəfo ijən 2014-nə soriku işğal bıə.
Terrotiston işğaliku çı Suriyə Rəğğə şəhri ozod karde bəpeştə xəbə omə ki bə 400 nəfər nezi çı İŞİD-i uzvon ıştənışon bə Suriyə Demokratik ğıvvon təslim kardəşone.
Bə Əlhədəs Televeziya raporti əsos, Suriyədə DAEŞ terroristiyə qrupi əsliyə mərkəz iyən ğərorqoh Rəğğə ostani mərkəzədə bıə Rəğğə şəhri əmniyət və kontrol bə Suriyəvıjə kırdon rəsə ijən xəbon ım şəhrədə mina və ko nıkardə bombaon bezərər kardeku hikayət kardə.
2 ruj çimiku bənav(Oktyabri 16) elan kardəşon bıən ki DAEŞ terroristiyə dastə işğaliku Rəğğə şəhri əraziku 90 fayiz ozod bıə ijən şəhrədə həmmə mandə terroriston ısət şəhri noxəşxonəon iyən stadiyononədə mıhosirə bıən.
Suriyə Kırdə Demotratik İbemoni Partiya ğıvvon ki ərəb iyən kırdonku iborətin ımsornə sori İyoniku Rəğğə şəhri çı DAEŞ-i işğaliku ozod karde əməliyati binoşon kardə bıən.
Rəğğə çı Suriyə i minnə vey yolə şəhre ki İŞİD-i tərəfo ijən 2014-nə soriku işğal bıə və əmələn bo terroristiyə əməliyaton əncum doero bənə qıləy hidayətəkə mərkəz hisob bıə be.
