Ərbəin Huseyni(ə) matəmə mərasimonədə İraği Həşdu-Şəbi nimə hərbi qrup çı Kərbəlo əmniyyəti təmin bəkay.
-
Ərbəin Huseyni(ə) matəmə mərasimon
Kərbəloədə Ərbəin Huseyni(ə) matəmə əyyami məxsusə bərnoməon əmniyyəti təmin kardero 3 həzo nəfər çı İraği Həşdu-Şəbi ğıvvon həm iştirok kardən.
Bə Fars aqentiyəti raporti əsos çı İraği Həşdu-Şəbi kamissiya yol Hamed Əbdu-Əl-Saheb Kərbəlo ostani şuraədə elanış kardə: bo ərbəin Huseyni(ə) matəmə mərasimon əmniyyəti təmin kardero Həşdu-Şəbi kamilən hazire və ım mıvzo çı Kərbəlo yolon iyən Həşdu-Şəbi fərmondəhon miyono mıştərəkə iclosədə ğeyd bıə.
Bə həminə iclosi əsos ğəror be Həşdu-Şəbi çı Kərbəlo ətrofədə bıə məntəğəon əmniyyətiyə tədbiron məxsusən ğərbiyə vırəonədə bıə Ələnbar ostani əmniyyəti bə ohdə beqəti.
Çımiku bə nav çı Kərbəlo ostani polis ğıvvon sıxənəvot, ərbəin Husyni(ə) matəmə əyyamədə bo milyoniyə cəmiyəti ziyorətiro qıləy əmniyyəti məxsusə plani dəvoniyəku xəbəş doe ki ğərore əncom bıbu.
Şiəyon məktəbədə Ərbəin Huseyni(ə) qıləy vey muhimmə dini mınosibətone ki har sor çand milyon İrağıj və xarıciyə kişvəronku mısılmonon de piyodə lınqi ijən bə İmom Huseyn(ə) ehtırom karde xoto bə Kərbəlo səfər kardən.
Noyabri 9 ərbəin Huseyni(ə) ğeyd bıə.
