Çı Ərəbiston və İ Bıə Ərəbon Əmirəti futbol kamandaon bəbe Ğətərədə hənək bıkən.
Asiya futbol konfedrasiya rəsmən elanış kardə ki Ərəbiston və İ Bıə Ərəbon Əmirəti kamandaon bəbe Ğətərədə hənəkəon əncom bıdən ijən qıləy be tərəf kişvərədə mısobiğəon dəvoniye imkonış ni.
Tojədən çı Asiya futbol konfedrasiya Avropa və Asiyaiyə icraiyə kamissiya qıləy məxsusə iclosədə 14 qılə sədo rəsmən Ğətəri əvəzi çı Ərəbiston və İ Bıə Ərəbon Əmirəti kamandaon mısobiğəon qıləy be tərəfə kişvərədə dəvoniyə rəd kardən ijən təkidışon be ki həmonə hənəkon bəbe Ğətəri zəminədə əncom bıbu.
Ərəbiston, Bəhreyn, İ Bıə Ərəbon Əmirəti və Misr dəvardə sori İyoniku bə çəy xoto ki Ğətər əmələn çı Ərəbistoni təfrəğə və ixtilof icod əkə siyasətonku co be Ğətəri bə terroristiyə qruponku himoyə dorti karde mıttəhəmışon kardən ijən ıştə diplomatikə həmkarion de Ğətər ğət kardən.
Isət çand faxt be ki de Asiya çempiyonat kamandaon mısobiğəon bino bey Astanə Ərəbiston və İ Bıə Ərəbon Əmirəti Ğətərədə ıştə mısobiğəon bərpo nıkarde barədə pesoxtə bıə senariyon dumoədə bıən.
