Fransə xarıci vəzir bə Tehron varid be.

Fransə xarıci vəzir deştə ali heyəti bə i co ımrujnə sıb bə Tehron varid be.

Bə İrana raporti əsos İroni xarıci vəzir vəzarətxan sıxənəvot bə Fransə xarıci vəziri səfər işorəş kardə ijən votışe Jan Lodriyan ıştə 2 rujiyə səfəri mıddətdə de prezident Həsən Ruhani və İroni xarıci vəzir Muhəmməd Cəvad Zərif didor və muxtəlifə məntəğə, 2 tərəfi iyən beynəl xalğiyə mıvzoon barde sohbət bəkay.

Çımiku bə nav Tehronədə Fransə səfarətxanə həm elanış kardə ki Lodriyani səfəriku  co qılə hədəf İroni milli mıvziədə Marti 5 detosə 8ədə Tehronədə bıə Lovr nomo bıə nımoyişqo mərasimədə ıştirok karde ğeyd bıə.

Fransə mediyaon nəğliku həm jıqo ğeyd bıə ki Fransə xarıci vəziri ım səfəri co məğsəd ım kişvəri prezident Emanoel Makroni omə səfəri zəminə hozzo karde ğeyd bıə.

Bə Fransə maliyə vəzarətxanə raporti əsos Fransə və İroni miyono ticari mubarizəon ərzış bə 4 milyard avro nezi ğeyd bıə.

Fransə dıvrə sorədə Avropavıjə kişvəronku çı İroni 2 minə ticari şərik hest be.