Amerkə koalisiya hərbiyə təyarəon bə Suriyə Deyruzur dəvomış heste.
De Amerkə rəhbərəti qoya bə İŞİD zid beynəlxalğə koalisiya hərbiyə təyarəon zinə Deyruzur ostani Əlsosə di bombardımon kardən və Suriyə beqınoə şəhrvandon ğətliam kardedən.
Bə İRNA zinə xəbon əsosi bə Əlsosə di zid amerkəvıjə koalisiya hərbiyə təyarəon hucumədə qıləy ailə 2 qılə uzv kıştə bedə və çandənəfər mincumlə çandə qılə jen və hırdən həm yarəjə bedən ki bəzi bəvonku bevəcə vəziyyətışon heste.
Amerkə rəhbərətiədə bıə koalisiya hərbiyə təyarəon 3 ruj çimi bə nav həm iraği sərhəd Suriyə Deyruzur ostanədə bə Əbokəmal şəhri hucum kardən və 50 nəfərisə veyə ğeyrehərbi mincumlə çandə qılə surəyəvıə jen və hırdəni şəhid və çandə 10 nəfəri həm yarəjə kardən.
Amerkə rəhbərətiədə bıə koalisiya 2014 minnə sori avqostə manqi de İŞİD terroristiyə qrupi mubarizə barde bəhonə və İ bə milləton təşkilati çərçivəku bə kəno iyən Suriyə devləti icazəku bə kəno Suriyə xəyli beqınoə şəhrvandış Əlrəğə ,Deyruzur və Hələb ostanonədə şəhidış kardə.
