Kamilə holətədə Hələb şəhri terroriston dastiku ozod be bəpeştə çı şəhri cəmaəti şoəti.
Dec 23, 2016 13:34 Asia/Tehran
Suriyə şimal Hələb şəhri terroriston dastiku kamilə ozodəti bəpeştə çı şəhri cəmaət bə xiyabanon beşən və şoətişon kardə.
Bə İRNA xəbon əsosi zinə şanqo qıləy zımsonə şəvədə terroriston və çəvon ailəon oxonə qrupi xaric beədə və kamilə holətədə terroristonku çı şəhri təmiz karde bəpeştə Hələb şəhri şəhrvandon bə xiyabanon beşən və təkbir iyən əzoni sədo Hələb şəhri məçiton xiyabanonku bə osmon rost bəy.
Hələb şəhri ğərbiyə mahləon xiyabanonku şoəti karvanon hərəkət kardə bin və cəmaət ıştə şoəti nışon doeyu bə osmon qullə ğandə bin və maşinon iyandı bə domo siqnal jedə bin.
Suriyə hərbi iyən silahlinə ğıvvon fərmonbıdə mərkəz zinə şanqo qıləy bəyonotdə kamilə holətədə terroriston işğaliku Hələb şəhri ozod beşon elan kardə.
