Ğətərı kral:Tırkiyə kənoədə bəmandemon.
Aug 16, 2018 13:46 Asia/Tehran
Ğətərı kral şeyx Təmim Bin Həməd Ale Sani votışe:Dohə tırkiyədə ıştə bıvon kənoədə bəmande.
Bə Anatoli aqentəti xəbon əsosi Ğətərı kral zinə şanqo ıştə tuviter səhifədə nıvıştışe:Ğətər Tırkiyə kənoədə bəmande çunki Ankara həm Ğətər və çəy milləti kənoədə mande.
Ğətərı kral əlavəş karde de Tırkiyə president Rəcəb Təyyib Ərdoğan votımon kardeədə Ğətər 15 milyard dollar ım məmləkətdə ki qıləy zumandə ixtisadış heste sərmayə bənoy.
eyne holədə Rəcəb Təyyib Ərdoğan həm ğətərı kral və çı məmləkəti millətiku tırkiyəku himoyə karde xoto təşəkurış karde.
Ərdoğan nıvıştışe şək ni mıxtəlif məsəlonədə Tırkiyə və ğətərı əlağon çok və zumand bəben.
Ğətərı kral zinə Tırkiyə paytəxt Ankara şəhrədə de ım məmləkəti prezdent vindımonış dəvoni.
